Fatmir Bitiqi: Këtë vit janë paguar rekord 45 milionë euro mbështetje shtetërore për kompanitë, për investime gati 200 milionë euro

slika 5

Drejtori i Agjencisë, Bekim Emini mori pjesë në konferencën e Zëvendëskryetarit të Qeverisë së Republikës së Maqedonisë së Veriut për çështje ekonomike, koordinim me drejtoritë ekonomike dhe investime, Fatmir Bitiqi, sot mbajti konferencën për media për pagesën e sivjetme të ndihmës shtetërore për investimet të kompanive.

“Krijimi i Planit të rritjes ekonomike në vitin 2017 dhe realizimi dhe suksesi i tij në këto 5 vite, vërteton se kjo Qeveri e njeh rrugën e duhur për rritjen ekonomike dhe zhvillimin e ekonomisë vendase. Vetëm këtë vit janë mbështetur 645 kompani me Planin për rritje ekonomike, përkatësisht Ligjin për mbështetjen financiare të investimeve dhe Fondin për inovacion dhe zhvillim teknologjik, si dhe Ligjin për kontrollin e ndihmës shtetërore.

Dhe këtë vit ne vazhdojmë me mbështetjen e fuqishme për kompanitë investuese që rrisin konkurrencën e tyre përmes proceseve të reja të prodhimit, futjes së teknologjive të reja dhe krijimit të vendeve të punës me paga më të larta.

Marrëdhënia e mbështetjes, besimit dhe partneritetit rritet nga viti në vit, gjë që e tregon edhe numri i kontratave të nënshkruara me kompanitë.

Nga viti 2017 deri në këtë vit 2022 kemi nënshkruar 630 kontrata, prej të cilave 546 janë aktualisht aktive, ndërsa 84 janë kontrata të përfunduara për baza të ndryshme. Pra, prej tyre 69 kontrata, përkatësisht kompanitë kanë përfunduar ciklet e investimit, ndërsa 15 kompani kanë kërkuar zgjidhje me marrëveshje të kontratave të nënshkruara.

Në vitin 2022 u nënshkruan 277 kontrata të reja, deri tani numri më i lartë që nga miratimi i ligjit.

 

Këto janë vetëm disa fakte që konfirmojnë tendencën pozitive të rritjes së kompanive dhe rritjen e konkurrueshmërisë së tyre, por në të njëjtën kohë një faktor kyç, duke rritur besimin e sektorit privat në marrëdhëniet e partneritetit me shtetin.

Këtë vit, siç e shihni në ekranin pas meje, kemi një pagesë rekord prej 23 milionë eurosh, si dhe një numër rekord të kompanive të mbështetura, 410 sipas Ligjit për mbështetjen financiare të investimeve. Numri i kompanive si dhe buxheti i mbështetjes po rritet nga viti në vit, që nga viti 2017 kur filluam këtë program. Vetëm në krahasim me vitin e kaluar, këtë vit kemi një rritje prej 79% të mbështetjes financiare të paguar nga 12.9 milionë në 23 milionë euro. Ju mund të shihni pjesën tjetër të rritjeve në grafikun pas meje.

Këtë vit kanë ardhur 436 kërkesa për pagesa nga kompanitë, prej të cilave 410 plotësojnë kushtet dhe janë miratuar për mbështetje financiare për investime sipas Ligjit për mbështetje financiare për investime. Në vitin 2021, këto kompani kanë bërë investime prej 100 milionë eurosh dhe atyre iu është dhënë ndihma shtetërore prej 23 milionë euro.

Kështu ne i mbështesim kompanitë në partneritet për të rritur konkurrencën e tyre, përmes futjes së teknologjive të reja, proceseve të reja të prodhimit dhe zhvillimit të përgjithshëm dhe sigurisht krijimit të vendeve të reja të punës dhe të paguara më mirë. Në vitin paraardhës 2021, këto kompani kanë hapur 2000 vende të reja pune dhe në total punësojnë 27431 punonjës”. – tha në konferencën e sotme për media, zëvendëskryeministri Fatmir Bitiqi.

Më shumë informacion në linkun e mëposhtëm:https://vlada.mk/node/31586

 

Share on facebook
Facebook
Share on google
Google+
Share on twitter
Twitter
Share on linkedin
LinkedIn
Share on pinterest
Pinterest