Invest North Macedonia, основана во 2005 година е официјална владина агенција за инвестиции и промоција на извозот одговорна за привлекување странски инвестиции и поддршка на извозот на Република Северна Македонија. Нашата мисија е да ги охрабриме и поддржиме новите странски директни инвестиции во земјата, да воспоставиме и зајакнеме деловна соработка со локални добавувачи и да го промовираме извозниот потенцијал на локалните компании на странските пазари.

Како институција која е посветена  овој процес да го направи што е можно покорисен и без напор, ние сме на располагање да Ве водиме низ почетната фаза на истражување, организирање соодветен план за патување и соодветни средби за посета на Северна Македонија, кулминирајќи со објективна проценка на потенцијалниот успех на основа на вашиот проект во Северна Македонија во споредба со соседните земји, врз база на моменталната деловна клима. Ако вашиот бизнис бара изнаоѓање соодветни локални партнери, ние ќе ви помогнеме низ тој процес, осигурувајќи се дека може да се отпочне отворен истражувачки дијалог.

Нашиот сектор за грижа на инвеститори  ќе обезбеди помош со посредување во Ваше име со локалните власти и Владата, поддршка на Вашите потреби за проширување или реинвестирање, помагање во добивање на потребните дозволи и ќе Ви биде на располагање постојано за да осигурате континуиран успех на вашиот деловен потфат во Северна Македонија.

Invest North Macedonia ги разбира постојаните деловни потреби што се менуваат како што расте бизнисот и за таа цел ние ветуваме тесна соработка со Вас за да го олесниме тој раст во Северна Македонија.

Владата на Република Северна Македонија е посветена на економскиот раст и развој во земјата. За таа цел, создадени се мерки за поддршка на економијата, чија основна цел е стимулирање на инвестиции, технолошки развој и зголемување на конкурентноста на македонските компании.

Исполнување на вашите деловни барања е нашата примарна цел!