Почнувајќи од 24-ти октомври, Агенцијата за странски инвестиции и промоција на извозот е дел од најголемиот меѓународен саем за текстилна индустрија А+А, кој се одржува на секои две години во Дизелдорф, Германија.
А + А е најголемиот и најважен настан во светот кога станува збор за безбедноста и здравјето при работа, a учеството на голем број интернационални изложувачи и посетители само го рефлектира светскиот интерес во оваа значајна област. Главни теми на саемот се: безбедност при работа, сигурност при работа, заштита на здравјето на работа/корпоративно здравје, заштита од пожари/ управување со катастрофи и корпоративна мода.
![](https://investnorthmacedonia.gov.mk/stored/2023/10/2-7-300x225.jpg)
Четири домашни компании (Албатрос, Евроџинс, Еуросолид, и Златекс) – производители на работна, корпоративна облека и заштитна облека имаат можност да бидат дел од националното изложување.
Учеството на саемот е организирано со поддршка од USAID EGDGE – Economic Development, Governance and Enterprise growth и Текстилно Трговско Здружение -Текстилниот Кластер на Република Северна Македонија , како и со поддршка од страна на Швајцарската програма за поддршка на извозот СИППО со обука наменета за подготовка за учество на саем.
![](https://investnorthmacedonia.gov.mk/stored/2023/10/3-4-225x300.jpg)
На првиот ден од отворањето на саемот, директорот на Агенцијата, Газменд Абдија на националниот имаше можност да оствари значајни средби со бизнис секторот од Германија, како и со релевантни асоцијации и комори кои беа присутни на саемот. Штандот беше посетен од голем број заинтересирани компании кои се подготвени да остварат идна соработка со македонските компании.
![](https://investnorthmacedonia.gov.mk/stored/2023/10/4-7-225x300.jpg)
На националниот штанд беше остварена средба со Абдилџемил Саити, економски советник од Република Северна Македонија во Германија и Австрија. На средбата беше заклучено дека е потребно да се реализира бизнис посета во Минхен, кој е главен центар за бизнис секторот во Германија. Целта на посетата на делегација составена од македонски компании е вмрежување и остварување на директни средби со компании членки на двете стопански комори во Минхен, како и посета на саемот за текстилна индустрија Munich Fabric Start.
![](https://investnorthmacedonia.gov.mk/stored/2023/10/6-1-225x300.jpg)
Националниот штанд ќе биде отворен заклучно со 27ми октомври, кога завршува саемот, а нашите очекувања се градење на нови бизнис партнерства меѓу македонските и германските компании.
Агенцијата во таа насока останува посветена на обезбедување на континуирана поддршка на компаниите од текстилната индустрија.
![](https://investnorthmacedonia.gov.mk/stored/2023/10/7-1-225x300.jpg)