Агенцијата за странски инвестиции и промоција на извозот зеде учество со свој штанд на дводневниот бизнис настан Suppliers Balkan Expo – SUBEX организиран од страна на AHK Nordmazedonien кој се одржа на 25-ти и 26-ти октомври.
![](https://investnorthmacedonia.gov.mk/stored/2023/11/5-3-300x300.jpg)
На штандот на Invest North Macedonia беа претставени производи од три македонски компании и тоа од прехранбена индустрија и хемиска индустрија, а на заинтересираните компании – учесници на настанот од земјата и странство им беа презентирани инвестициските и извозните потенцијали на Северна Македонија.
![](https://investnorthmacedonia.gov.mk/stored/2023/11/2-3-300x205.jpg)
Целта на овој бизнис настан е поврзување на домашните компании добавувачи од металната, електро, ИТ, текстилна, дрвна и прехранбена индустрија од Северна Македонија со компании купувачи од Германија, Романија, Албанија, Косово, Србија, Белгија и Австрија.
![](https://investnorthmacedonia.gov.mk/stored/2023/11/3-3-300x208.jpg)
Во рамки на настанот беа одржани 7 панел дискусии, повеќе од 250 Б2Б средби, саем за компании изложувачи и саем за кариерен развој и вработување.
![](https://investnorthmacedonia.gov.mk/stored/2023/11/4-3-300x300.jpg)