Во просториите на AHK Nordmazedonien во Скопје се одржа работна средба помеѓу директорот на Invest North Macedonia, Рефик Џемаили, претставници на Агенцијата и директорката на AHK Nordmazedonien, Антје Ванделт. Целта на средбата беше да се продолжи долгорочната соработка меѓу двете институции и да се олеснат странските инвестиции во земјава, со посебен фокус на германските инвеститори.
Invest North Macedonia по трет пат ќе има свој штанд на дводневниот деловен настан Suppliers Balkan Expo – SUBEX, во организација на AHK Nordmazedonien, кој ќе се одржи на 1 октомври во Приштина, Косово. На средбата ја истакнавме нашата заедничка посветеност за зајакнување на врските меѓу двете организации и создавање поволна средина за одржлив економски раст во Северна Македонија.
Соработката помеѓу Invest North Macedonia и AHK Nordmazedonien ќе продолжи со организирање на други настани поврзани со промоција на извозниот потенцијал и претставување на Република Северна Македонија како поволна деловна дестинација.
