Директорот на Invest North Macedonia, Рефик Џемаили, учествуваше на Конференцијата за регионална соработка, организирана во рамките на 30-тиот Меѓународен саем во Тирана, на 6 ноември 2024 година.
На панелот насловен „Прекугранична трговија: Можности и предизвици на Балканот“, тој ги истакна:
- Важноста на прекуграничната соработка за заеднички економски развој во регионот.
- Позиционирањето на Балканот како стратешки трговски мост меѓу Европа, Азија и Блискиот Исток.
- Придобивките од членството во ЦЕФТА, вклучувајќи зголемен пристап до регионалните пазари, намалени царини и усогласување со стандардите на ЕУ.
Во своето обраќање, Директорот Џемаили ги посочи и клучните предизвици, како и потенцијалните решенија за унапредување на прекуграничната соработка, преку:
- Дигитална трансформација за поефикасна и поедноставена трговија.
- Зелена логистика за одржлив транспорт
- Континуирани инвестиции во инфраструктура за подобро регионално поврзување.
Во завршниот дел од своето излагање, Директорот упати повик за засилена соработка, нагласувајќи дека интеграцијата и партнерствата се клучни за отклучување на економскиот потенцијал на Балканот. Со силна регионална соработка, Балканот може да стане успешен центар за трговија и инвестиции, со придобивки за целиот регион.
Тој изрази уверување дека преку стратешки напори и посветеност, Балканот ќе се позиционира како динамичен и просперитетен трговски регион, со значајно влијание врз глобалната економија.
Конференцијата беше одлична можност за размена на идеи и градење синергии за економски напредок, позиционирајќи го Балканот како регион на можности!
