Во рамките на посета на Италија, директорот на Агенцијата, Рефик Џемаили посети две компании од агробизнис секторот и секторот за преработка на храна, лоцирани во Казерта, и ги претстави потенцијалите и можностите на Северна Македонија.
Едната компанија, која веќе е присутна со своите производи на пазарот во Северна Македонија од пред еден месец, има можност за зголемување на своето присуство во нашата земја.
Втората компанија од агробизнис секторот има потенцијал за поврзување со македонските компании и воспоставување на деловна соработка.
Посетата беше поддржана од Советот за регионална соработка (RCC) и Италијанската трговска комора за Република Северна Македонија (Camera di Commercio Italiana per la Repubblica di Macedonia del Nord).
