Со Законот за финансиска поддршка на инвестиции, Владата на Република Северна Македонија го поттикнува економскиот раст преку поддршка за продуктивни почетни инвестиции заради зголемување на конкурентноста и вработеноста. Многу македонски компании склучија договори за доделување на финансиска поддршка и со тоа ги реализираа своите инвестициски проекти преку кои се зголемува економскиот капацитет на државата.

Деловни субјекти кои можат да бидат корисници на финансиска поддршка се компании кои:

• Започнале со продуктивна почетна инвестиција;
• Имаат зголемување на вкупните приходи од работењето;
• Просечниот број на вработените не им е намален за повеќе од 5%;
• Нови регистрирани компании;
• Прозиводители на текстил и преработки од кожа и
• Компании за производство на воена опрема

Финансиската поддршка може да биде доделена за:

• Нови Вработувања;
• Соработка со локални добавувачи;
• Технолошки развој и истражување;
• Проекти од значаен економски интерес;
• Капитални инвестиции и приходи;
• Откуп на средства од претприатија во стечај или ликвидација и
• Зголемување на конкурентноста на пазарот.

За продуктивни почетни инвестиции од страна на деловни субјекти кои се основани од државјани на Република Северна Македонија, а имаат живеалиште или привремен престој надвор од Републиката износот на финансиската поддршка се зголемува за 15% за оправдани инвестициски трошоци, до 1.000.000 евра годишно.

Закон за финансиска поддршка на инвестиции 2021 (консолидиран текст)

Download Here